Make your own free website on Tripod.com


FALSAFAH

  1. Dijolo raja sieahan, dipudi raja sipaimaon (Hormatan do natua-tua dohot angka raja).

  2. Sada silompa gadong dua silompa ubi,
    Sada pe namanghatahon Sudema dapotan Uli.

  3. Pitu batu martindi sada do sitaon nadokdok (Unang maharaphu tu dongan).

  4. Jujur do mula ni bada, bolus do mula ni dame (Unang sai jujur-jujuri salani dongan, alai bolushon ma).

  5. Siboru buas siboru Bakkara, molo dung puas sae soada mara (Dame ma).

  6. Sungkunon poda natua-tua, sungkunon gogo naumposo (Bertanggung-jawab).


UMPASA

  1. Bintang ma narumiris tu ombun nasumorop,
    Anak pe riris boru pe torop.

  2. Tubu ma hariara diholang-holang ni huta, dakkanai tanggo pinarait-aithon,
    Tubu ma di hamu anak na marsahala dohot boru namartua, sitongka panahit-nahiton.

  3. Turtu ma ninna anduhur Tio ma ninna lote,
    Hata nauli nadenggan naung dipasahat hamu
    Sai unang ma muba unang mose.

  4. Si titik ma si gompa, Golang golang pangarahutna,
    Tung songon on pe sipanganon na tupa di jolonta on,
    Sai godang ma pinasuna.

  5. Jolo tinittip sanggar
    Umbahen huru-huruan,
    Jolo sinungkun marga
    Asa binoto partuturan.

  6. Napuran tano-tano
    Rangging marsiranggongan,
    Tung pe badanta padao-dao
    Tondinta ma marsigomgoman.

  7. Tubu ma halosi di dolok ni Pintu batu,
    Hami do na mangulosi Debata ma na mamasu-masu

  8. Sahat sahat di solu ma
    Sai sahat ma tu bontean,
    Nunga sahat hita mangolu
    Sai sahat ma tupanggabean.

    UMPAMA

    1. Hotang binebe-bebe, hotang nipulos-pulos
      Unang hamu mandele ai godang do tudos-tudos.

    2. Dangka do dupang, Amak do rere
      Ama do tulang, Anak do nang ibebere.

    3. Sinuan bulu sibahen nalas, Sinuan uhum sibahen nahoras.

    4. Manuk ni pealangge hotek-hotek laho marpira,
      Nasirang marale-ale lobian namaten ina.

    5. Pago-pago taruge pauk-pauk hudali
      Angka nasala pianuli, angka na denggan niulahi.

    Anda punya Umpasa/Umpama hubungi saya di pabolon@email.com...!!!atau isi Formulir dibawah ini:

    Nama:
    E-mail/Telp.:
    Umpasa/Umpama:

    Dari mana anda tahu hommie ini?
    Anda suka hommie ini? Ya tidak


    Anda pengunjung ke: Terima kasih!


    Updated: 07/30/1998
    Copyright 1996, rambo@hotmail.com All rights reserved.